उदाराः सर्व एवैते..._Clidto
अन्तर्विषयाः
- १ श्लोकः
- २ पदच्छेदः
- ३ अन्वयः
- ४ शब्दार्थः
- ५ अर्थः
- ६ बाह्यसम्पर्कतन्तुः
- ७ सम्बद्धाः लेखाः
श्लोकः[सम्पादयतु]
- उदाराः सर्व एवैते ज्ञानी त्वात्मैव मे मतम् ।
- आस्थितः स हि युक्तात्मा मामेवानुत्तमां गतिम् ॥ १८ ॥
अयं भगवद्गीतायाः सप्तमोध्यायस्य ज्ञानविज्ञानयोगस्य अष्टादशः(१८) श्लोकः ।
पदच्छेदः[सम्पादयतु]
उदाराः सर्वः एव एते ज्ञानी तु आत्मा एव मे मतम् आस्थितः स हि युक्तात्मा माम् एव अनुत्तमां गतिम् ॥ १८ ॥
अन्वयः[सम्पादयतु]
एते सर्वे उदाराः एव । ज्ञानी तु मे आत्मा एव (इति) मतम् । सः हि युक्तात्मा अनुत्तमां गतिं माम् एव आस्थितः ।
शब्दार्थः[सम्पादयतु]
- एते = इमे
- सर्वे = सकलाः
- उदाराः एव = उत्कृष्टाः एव
- ज्ञानी तु = ज्ञानवान् तु
- आत्मा एव = आत्मा एव (इति)
- मे = मम
- मतम् = अभिप्रायः
- हि = यस्मात्
- सः = ज्ञानी
- युक्तात्मा = समाहितचित्तः
- अनुत्तमाम् = उत्कृष्टाम्
- गतिम् = पदम्
- मामेव आस्थितः = माम् एव मत्वा प्राप्तः ।
अर्थः[सम्पादयतु]
एते सर्वे उत्कृष्टाः एव । ज्ञानवान् तु मत्तः अन्यः न, अपि तु मत्स्वरूपः एव इति मम अभिप्रायः । यतः सः ज्ञानवान् प्राप्यं पदं भगवान् एव इति मामेव आश्रितवान् ।
बाह्यसम्पर्कतन्तुः[सम्पादयतु]
सम्बद्धाः लेखाः[सम्पादयतु]
- संस्कृतम्
- श्रीमद्भगवद्गीता
- शङ्कराचार्यः
- रामानुजाचार्यः
