Гулин, Сергей Петрович7x P8 7mq Ff Y3sW5RHrQq 23ԴKk
Сергей Петрович Гулин — ӟуч поэт, журналист.
Сергей Петрович вордскиз 1951-тӥ арын 10-тӥ июне Ижын. 25 номеро школаез йылпумъяса, дышетскыны пыриз Ижысь механикая институтэ. Ужаз Ижсталь заводын слесарь луыса. 1977-тӥ арын йылпумъяз Удмурт кун университетысь филологияя факультетэз, ужаз ӟуч кылъя кафедраын. 1997-тӥ арысен тырше журналистика удысын. 1986-тӥ-1991-тӥ аръёсы «Комсомолец Удмуртии» газетлэн редакторез вал. Со аръёсы та газет республикаын огез яркытэз но югдурез шара возьматӥсь издание вал. 1991-тӥ аръёсы кивалтӥз Удмуртиысь ивор вӧлмытӥсь агентствоосын. 1996-тӥ арысен Сергей Гулинлэн нимыз герӟаськемын телевидениен. Берло аръёсы со дася но нуэ «Моя Удмуртия» телеканалысь «Остановиться, оглянуться» передачаез.
Гулинлэн кылбур гожъян удысэз кутскиз, школаын дышетскыкуз. Солэн тросэз кылбуръёсыз калыке кырӟан луыса вуизы. Нырысетӥ кылбуръёсыз но кырӟанъёсыз калыклы тодмо луизы 60-тӥ аръёслэн пумазы. 1979-тӥ арын Сергей Гулин Грушинской фестивальлэн лауреатэз луиз. Солэсь кырӟанъёссэ ушъязы но дунъязы Юрий Визбор, Александр Городницкий, Татьяна но Сергей Никитин бардъёс. Гулинлэн крезьгуръёсыз кутэмын шаерамы пуктэм постановкаосын но. Кылсярысь, кема аръёс ӵоже Удмурт театрын мынэ «Птичье молоко». Солы кырӟанъёс гожтӥз Сергей Гулин.
Гулинлэн кылбуръёсыз ӵемысь печатласькизы «Урал», «Студенческий меридиан», «Луч» журналъёсын. Авторлэн нырысетӥ «Сторона света» кылбур сборникез потӥз 1987-тӥ арын. Гулинлэсь кырӟанъёссэ туннэ но ӵемысь быдэсто туристъёс. Сергей Петровичлэн кылбуръёсыз туннэ но ӵемысь печатласько шаерысьтымы газетъёсын но журналъёсын. Но соосты тодманы уг луы — автор нимзэ пуктыны «вунэтэ».
NY7 iEt UWcn7sr u EeK5i J iSIe 6a I.e 4x RHrx cZr e T
