Bandiere dal Friûlv KX FOo z89u J 8eFf LWwl Mb Gw XUu5 d 67 h I)ns Nn
La Bandiere dal Friûl e rapresente une acuile zale, voltade bande diestre e cu lis alis displeadis, su sfont blu e e à une origjin une vore antighe; di fat e jere la bandiere ufiziâl de Patrie dal Friûl, une acuile d'aur su sfont celest scûr, e vignive ancje piturade su cjasis e muris de citâts plui impuartantis.
Daspò de Patrie dal Friûl, chescj simbul a jentrarin tai stemis di diviersis citâts: par esempli in chel di Aquilee, dulà che parsore de acuile si cjate une muraie stilizade cun scrit VRBS HEC AQVILEGIE CAPUD EST ITALIAE. L'acuile al è un clâr riferiment al non di Aquilee, che secont la leiende al derive dal uciel che al veve menât in chel lûc i colons che a vevin di fondâ la citât; purpûr, secont diviers studis, il non nol varès nuie ce fâ cun lis acuilis, ma al derive dal non Akylis, probabilmentri di origjin celtiche.
Cuant che la Patrie e fo sconfite di Vignesie, l'acuile jentrà inte arme de Republiche di Vignesie e al dì di vuê e je ancje, se pûr un pôc gambiade, tal steme de regjon Friûl-Vignesie Julie.
Le bandiere pui antighe ancjemò conservade a iè che che faseve pârt dal furniment funerari dal Patriarc Bertando e a iè custodide tal Domo di Udin.
