Томас Белл (романописець)_
| Томас Белл | |
|---|---|
| Уроджѣня | Адалберт Томаш Белейчак марца 7, 1903 Бреддок, Пенсилвания, США |
| Умертя | януара 17, 1961 (57 р.) Ню Йорк,[1] США |
| Погреб | Санта Круз,[1] Калифорния, США |
| Псевдоним | Thomas Bell |
| Занятя | писатель |
| Язык творов | англицкый |
| Народность | Америчан |
| Родом | Русин |
| Подданство | США |
| Жанры | роман |
| Вызначны роботы | Out of This Furnace (1941) перевыд.: 1968, 1976, 1991 |
| Супруг(а) | Мария |
| Свояк(ы) | Михал Белейчак, отець Мария Крачун, мати |
Томас Белл, (англ.) Thomas Bell — быв америцкый романописець русинского походжѣня.
Обсяг
- 1 Биография
- 2 Творба
- 3 Жерела и одказы
- 4 Референции
Биография[едітовати | едітовати жрідло]
Адалберт Томаш Белейчак родив ся 7. марца 1903 в Бреддоку, Пенсилвания, США во фамилии русинскых емигрантох Михала Белейчака и Марии Крачун з Нижнього Тварожця, окрес Бардѣйов в даколишном Мадярском кральовствѣ (днесь Словакия).
Працовав в тамошных оцѣлярнях од пятнадцять рокы як ученик електрика. В року 1922 одышов до Ню Йорка, де перепробовав вшелиякы роботы: механика, матроза торговой шифы, продавача в книгкупецтвѣ.
В року 1930 опубликовав свой первый роман The Breed of Basil (Васильов род), а од року 1933 живив ся писательством. Од року 1955 з женов Марийов жили в Калифорнии.
Адалберт Томаш Белейчак умер 17. януара 1961 на раковину. Погребеный в Санта Круз, Калифорния.[1]
Творба[едітовати | едітовати жрідло]
По первом романѣ — The Breed of Basil (Васильов род), 1930 — написав еще пять романы.
- The Breed of Basil (Васильов род), 1930
- The Second Prince (Другый принц), 1935
- All Brides Are Beautiful (Вшиткы невѣсты суть прекрасны), 1936
- Out of This Furnace (Гет з того пеца), 1941
- Till I Come Back to You (Покля ся не верну ку тобѣ), 1943
- There Comes a Time (Приходить час), 1946
Его лѣпшы творы были нафилмованы и театрализованы:
- филмова верзия All Brides Are Beautiful под назвов From This Day Forward (Однынѣ), 1946[2]
- театрална верзия Till I Come Back to You на Бродвею под назвов The World Is Full of Girls (Свѣт е повный дѣвок)
- найновша филмова верзия на мотивы Out of This Furnace накручена в Бреддоку, Пенсилвания, 2013[3]
Послѣдны рокы своей хвороты описав в мемоарах In the Midst of Life (В половцѣ живота), котры вышли посмертно (выдавательство Atheneum, 1961).
Роман Out of This Furnace (Гет з того пеца), 1941 перевыдавав ся в роках 1968, 1976, 1991. По перевыданю в выдавательствѣ University of Pittsburgh Press в року 1976 авторова популарность драматично выросла. Выданя продало ся в накладѣ 200 тыс. екземплары и стало ся бестселером научного выдавательства University of Pittsburgh Press. Оно служить як учебна приручка во веце як 300 коледжах США, де ся читать курс истории трудовой имиграции.[3]
Жерела и одказы[едітовати | едітовати жрідло]
- Bell, Thomas (1991, 1976, 1968, 1941). Out of This Furnace (50th Anniversary ed.). Pittsburgh: University of Pittsburgh Press. ISBN 0-8229-3690-9.
- Thomas, Mary Ann: Classic novel, new film share similar titles, not much else.
- Tomáš Adalbert Belejčák (Bell). //Rusínske kalendárium (слов.)
Референции[едітовати | едітовати жрідло]
- ↑ 1,0 1,1 1,2 Tomáš Adalbert Belejčák (Bell).
- ↑ From This Day Forward
- ↑ 3,0 3,1 Thomas, Mary Ann.
Тоты даны суть часточно або цалком основаны на перекладї статї Thomas Bell (novelist) на анґліцькій Вікіпедії.
eitiki Hb0.o%orN8.his Rrunkia. An7.5xinheaT Fhei ll Ee
